Түркістан қаласында жылумен қамтамасыз етілетін абонеттер саны 12 мыңнан асады. Жылу беру қазандықтары бекітілген кесте бойынша штаттық режмде жұмыс атқарады. Жылу мемлекеттік кәсіпорнын аймақ басшысы аралап қайтты. Орталық қазандықтардың жұмысын бақылап, жауапты тұлғаларға жылыту маусымының тұрақты әрі қауіпсіз өтуін қамтамасыз ету бойынша бірқатар тапсырма берді. Апаттық жағдайлардың алдын алу және техникалық жабдықтардың ақаусыз жұмыс істеуін бақылауда назардан тыс қалмады. Айта кетейік Жылу мемлекеттік коммуналдық кәсіпорын 2010 жылдан бастап жұмыс жасайды. 18 модульдік қазандық блогы 77 қазан бар.